سفیر الحب

قصیدة هرمیة بإسم ألحب مباح

أنا إجیت

طیب منّک مالگیت

عچس فالک سودنتنی إتعذّبیت

ردت إمرّنک و أشوفک تدری بیک أنا إبتلیت

لنته طایر لنته حاط إو لا طعت درب إلصراط أنت إنتهیت

آه منّک

مرمرتنی إبکبر سنّک

علوه صایرلی إبدربی إو بطل فنّک

خوش بطّلنه إلسوالف للمخالف تهذی چنّک

إهوای عدنه أسرار نامت ما حچینه بس سکتنه من لفّنّک

إلحب مباح

صرت قبّاض إلرواح

کفنه ظلمک  گول چا وین إلفلاح

لیش بالینی إبعشرتک إتهدد إبزود إلسلاح

أللّه ساتر و إلأمان إلبلمگابر خوفی من هب إلریاح

ما یهمّک

إگبال عدوانک و أذمّک

إبد لا تگرب علیّه أو لا أشمّک

أنا ربّی إلّی خلقنی و أنت عزرائیل ربّک مانی یمّک

یوم إلموادع وصلنه أحباب و اجناب  إجتمعنه  من یسلمک

لیش غاسی

من عذابک شاب راسی

ما أشوفک لابد إبسد  إلکراسی

و أللّه ملهه عشره صعبه طیّرت نومت نعاسی

صحت حیل أللّه و أکبر بإلصلاة إو خردلت حتّی ألتماسی

و أنت طوف

تاکل إو چنّک  خروف

إشلون أفهمک ضیّعت حتّی إلحروف

عزّبیتک یا مصیبه من دعیتک و أکرمیتک ما تشوف

حبّی جنّه و أنا منّه إعتقد ما واحد عزلنه هذا بیتی إو ما أعوف

ماکو رأی

گوم لا توگف ورای

 ما أموتن ألهم إو صبری دوای

حلمک أنت من قریته فسّرت ما عنده رأی

 تابعیتک بس أحس صعبه وصیتک و إنکسر حتّی گفای

و إلّیامه

کسرت إجناح إلحمامه

أحاه یربّی إلضدنی ضکنی بإهتمامه

 إلدیره حصنی  و أنا بیهه  إیگلّی  سافر بإلسلامه

من یواعد ما یصادق من یراهن ما یبادر و أنتظر لهجة کلامه

مبدع ألقالب ألهرمی فی أللغة العربیّة و الفارسیّة  :  جاسم  ثعلبی ألحسّانی01/03/1401